İsrail bəzi Qəzzalı fələstinli məhbusları azad etdi

Qəzzadan Azad Edilən Məhbusların Taleyi Naməlum Qalır

HƏMAS-ın Əsirlər üzrə Media Ofisi verdiyi açıqlamada, Qəzzadan saxlanılan fələstinlilərin Qəzza zolağının cənubundakı Kərəm Əbu Salim Sərhəd Keçid məntəqəsindən azad edildiyini bildirib.

Azadlığa buraxılan fələstinlilər tibbi müayinə üçün Beynəlxalq Qızıl Xaç Komitəsinin nümayəndələri tərəfindən Qəzzanın mərkəzi hissəsində yerləşən Deyr əl-Bəlah şəhərindəki Əqsa Şəhidləri Xəstəxanasına aparılıb.

Lakin açıqlamada azad edilmiş fələstinlilərin sayı və ya səhhəti barədə heç bir məlumat verilməyib.

Bundan əvvəl İsrail ordusu tərəfindən Qəzzadan saxlanılıb daha sonra sərbəst buraxdığı bir çox fələstinlilərin psixoloji və fiziki işgəncələrə məruz qaldığı müşahidə edilmişdi.

İsrail ordusu 2023-cü ilin oktyabr ayından bəri Qəzza zolağında davam etdirdiyi işğal və hücumlar zamanı qadınlar, uşaqlar və səhiyyə işçiləri də daxil olmaqla minlərlə fələstinlini həbs edib.

Qəzzadan saxlanılanların bir qismi azad edilsə də, onların bir çoxunun taleyi hələ də naməlum olaraq qalır.

24 saat