Rizespor hakimlərə səbrlə bağlı iradını bildirdi

Qarşılaşma sonrası hakim qərarlarına sərt reaksiya

Türkiyə Süper Liqasının 9-cu turunda baş tutan "Trabzonspor" – "Rizespor" matçında "Trabzonspor"un 2-1 hesablı qələbəsi ilə nəticələnən qarşılaşma böyük ajiotaja səbəb olub. Matçın bitməsindən dərhal sonra "Rizespor" klubunun mətbuat katibi Həsən Yavuz Bakır hakim qərarlarına sərt şəkildə etirazını bildirib.

"Rizespor"un rəsmi hesablarında yayımlanan açıqlamada Həsən Yavuz Bakırın sözlərinə yer verilib. O, Türkiyə Mərkəzi Hakim Komitəsinə (MHK) yönələn tənqidi fikirlər səsləndirib: “Eyyy MHK... Bizdən nə istəyirsiniz... Nə etməyimizi gözləyirsiniz... Bacarıq yalnız hökm verməkdəmi? Hansı hesablaşmanın əvəzini "Çaykur Rizespor" ictimaiyyətinə ödəməyə çalışırsınız? Psixoloji dayanıqlığımızı yoxlayırsınız? Biz meydanda oynamağa çalışdığımız halda, sizlər səbrimizi sınayırsınız? "Rizespor" ictimaiyyətinin ümidlərini qırmayın..."

O, həmçinin əlavə edib ki, "Trendyol" Süper Liqasının ilk həftəsindən etibarən meydanda qalmaq və oyunumuzla var olmaq üçün mübarizə aparırıq. Lakin bəzi qərarların canımızı yandırması və bunun artaraq davam etməsi artıq son həddə çatıb. Verilən və verilməyən mübahisəli qərarlar artıq çıxılmaz vəziyyətə gəlib çatıb.

Anlamsız fit səsləri qarşılaşmanın gedişatına təsir etdi

Açıqlamanın davamında Həsən Yavuz Bakır, "Trabzonspor" ilə oynadıqları qarşılaşma ərzində verilən qərarlara toxunaraq bunları qeyd edib: "Mövsümün əvvəlindən etibarən VAR-dan istifadə edən oyunçularımızın müqaviməti, təəssüf ki, rəqəmsal müdaxilələrin yetərsizliyi ilə qırılıb və ya qırılmağa çalışılır."

Onun sözlərinə görə, hazırkı vəziyyətdə bu gün oynadığımız "Trabzonspor" matçının 30-cu dəqiqəsində Hojerə qarşı edilən, şübhəsiz ki, penalti olaraq qiymətləndiriləcək vəziyyət barədə hər kəs eyni fikirdə olub. Lakin hakimlərin mövqeyi futbolun normal axarına zidd olub.

Həsən Yavuz Bakır bildirib ki, meydanda futbol oynamaq əzmində olan oyunçularımızın mübarizəsi oyunun axarına uyğun olmayan şəkildə dayandırılıb. Rəqib oyunçuların vaxt itirməyə yönəlik heç bir vəziyyətində kart göstərilmədiyi kimi, matçın sonuna əlavə olunan vaxt da hamımızı təəccübləndirib.

Mətbuat katibi əlavə edib ki, komandamızın meydandakı mübarizəsi anlamsız fit səsləri ilə zəiflədilməyə çalışılıb, asan faullar ilə oynamağımıza icazə verilməyib. Futbolun təməl dəyərləri arasında olan bərabərlik prinsipinin meydanda hər komandaya eyni şəkildə tətbiq olunmasını, futbolçulardan başqa bütün tərəflərin topu çevirməyi dayandırmasını istəyirik. Futbol meydanda oynanılan bir oyundur. Meydanda qalmalıdır, VAR olan qaydaların yerinə heç kimin öz baxış bucağını gətirməyə ixtiyarı yoxdur.

O, Türkiyə Mərkəzi Hakim Komitəsini (MHK) idmanın ruhuna zərər verəcək hakim davranışlarını araşdırmağa, etimad itkisini dərinləşmədən aradan qaldırmağa çağırıb və əlavə edib ki, heç kim "Görmədim, eşitmədim, bilmirəm" deməsin. Vicdanı olanlar görür, eşidir və bilir.

24 saat