Trump-Zelenski görüşündə gizli gərginlik

Tramp və Zelenski arasında gərgin görüş

ABŞ mətbuatının məlumatına görə, dünən axşam ABŞ prezidenti Donald Tramp və Ukrayna Prezidenti Volodimir Zelenski arasında baş tutan görüş hər iki tərəf üçün olduqca gərgin keçib. Səsli və dramatik bir mübahisə olmasa da, Tomahawk raketlərinin Ukraynaya təhvil verilməməsi və ABŞ prezidentinin Ukrayna ilə bağlı bəzi şərhləri Ukrayna liderinin "emosional reaksiyalarına" səbəb olub.

Tomahawk Raketləri və Trampın Şərhləri

ABŞ prezidenti görüş zamanı "Rusiya Kiyevə bir neçə saat ərzində daxil olmalı idi" şərhini edib ki, bu da Zelenskinin ciddi narazılığına səbəb olub. Bununla yanaşı, ABŞ prezidentinin daha əvvəlki sözlərinə zidd olaraq Tomahawk raketlərinə "ABŞ-ın daha çox ehtiyacı var" deməsi gərginliyi daha da artırıb.

Zelenskinin Sükutu və Gələcək Danışıqlar

Ciddi və sakit mövqe tutan Ukrayna Prezidenti görüş boyunca çox şərh etməsə də, üzündəki ifadə yüzlərlə sözdən daha çox şey söyləyirdi. Görüşdən sonra o deyib ki, "Tramp bu məsələni açıq mühitdə müzakirə etmək istəmir. Lakin gələcək danışıqlara ümid edirəm". ABŞ prezidenti isə Rusiya Dövlət Başçısı Vladimir Putinlə keçiriləcək görüşlərlə bağlı "gələn həftə nəyin baş verəcəyini görəcəyik" şərhini verib. Budapeştdəki görüşün növbəti iki həftə ərzində baş tutması gözlənilir.

24 saat